Saúdo da presidenta do Parlamento
Queridos amigos e amigas
Quero darvos desde esta páxina web un cordial saúdo e a benvida ao Parlamento
de Galicia no meu nome e no de todos os deputados e deputadas que representamos
aos cidadáns e cidadás na VII lexislatura.
Estades invitados a facer connosco unha visita a esta Cámara que é a casa de
todo os galegos e as galegas e convertela nunha fábrica de valores cívicos e na
que o diálogo se converta na nosa razón de ser. Implica compromiso, respecto,
confianza, aprecio e esperanza, e constitúe unha ferramenta clave para o
progreso e o desenvolvemento.
Grazas á Internet podemos entender o noso obxectivo de achegar a institución á
sociedade e estar en contacto directo con todos e todas os cidadáns que dende
calquera parte do mundo e a calquera hora do día queiran asistir ás nosas
sesións ou coñecer de primeira man o noso traballo e mesmo facer unha visita
virtual á sede da Cámara.
É un nexo entre a sociedade e os seus lexítimos representantes, que nos permite
establecer lazos estreitos para mellorar a calidade da democracia e facilitar o
coñecemento da institución por parte de toda a sociedade.
As novas tecnoloxías permítennos ter ao noso alcance toda a documentación que
xera o Parlamento autonómico, e mesmo podedes acceder en directo ás nosas
sesións de traballo.
Fixemos un esforzo importante por poñer en marcha esta páxina web, convencidos da
súa utilidade para achegar o Parlamento á cidadanía e conseguir un nexo coa
sociedade. Tedes nas vosas mans unha ferramenta que consideramos que pode atender ás
necesidades e os requisitos da nova sociedade da información.
Dolores Villarino Santiago
Presidenta do Parlamento de Galicia