Noelia Otero Lago

Nacemento: Vigo - 1980

Grupo Parlamentario dos Socialistas de Galicia

Biografía:

Licenciada en Xornalismo, ten o título de especialista en Información Internacional e Países do Sur.

Comezou a súa traxectoria profesional como xornalista en programas de radio en Onda Cero Vigo para continuar traballando durante case unha década como editora e locutora de informativos na Cadena Ser en Vigo. Posteriormente, deu o salto á televisión da man da TVG, onde dirixiu e presentou diversos espazos durante tres anos a través da Productora Faro. Da televisión autonómica pasou á nacional, e durante dous anos realizou traballos como reporteira de actualidade en Telecinco para finalmente ser contratada como codirectora do programa diario Las cosas claras de TVE ata xuño de 2021.